Се бараат работници – Почетна плата до 38 500 денари!
Уште од основањето, повеќе од седум децении, Макпетрол АД отсекогаш бил предводник во примената на новитетите во погонските горива, во унапредувањето на квалитетот на своите производи, како и во воведувањето на алтернативни погонски горива кои придонесуваат за поголема заштита на животната средина.
На тој начин, во сите овие години ние успеваме да ја задржиме лидерската позиција во дистрибуцијата и прометот со нафтени деривати во Република Македонија.
Преку нашата современа лабораторија, која што работи според најстроги светски стандарди, ние обезбедуваме постојаност на квалитетот на нашите горива, исто како и преку редовната контрола и врвната техничка изведба на инфраструктурата на нашите бензински станици.
Во 2008 година ја отворивме и фабриката за биодизел гориво со годишен капацитет од 20.000 тони, со што уште еднаш укажавме на нашата посветеност во примената на обновливи извори на енергија.
Сите услуги ги реализираме преку нашите, близу 1.900 работници, во сите оперативни подрачја на нашата компанија, почнувајќи од прометот и дистрибуцијата на нафта и нафтени производи како наша основна дејност, преку нашите стручни лица во бројните застапништва на светските марки, па сé до услужниот персонал во нашите ресторани, кафулиња и маркети во кругот на бензинските станици.
Со нашите високо поставени стандарди успеваме да постигнеме конкурентност и на регионално подрачје, преку нашите филијали Петролмак во Република Грција и Макпетрол-Београд во Република Србија.
Повеќе подружници оперираат во групата Макпетрол АД, како специјализирани субјекти во своите области: Макпетрол Пром-Гас како компанија специјализирана за снабдување со природен гас, Оилко за транспорт и дистрибуција на нафтени деривати, како и националната телевизиска куќа Телма.
Покрај тоа, во нашето портфолио се и застапништвата на најреномираните светски марки, меѓу кои Honda, Dell, Goodyear и Nolan.
Врз основа на членот 22 став 1 точка 1 и став 2, членот 23 став 1, 2, и 7 од Законот за работните односи, „Макпетрол“ А.Д. – Скопје распишува
О Г Л А С
За вработување на 1 (еден) работник на определено време од 5 (пет) месеци (со можност за продолжување), во „Макпетрол“ АД. – Скопје, на работно место Специјалист за одржување – јуниор во Сервисен центар Струмица во Струмица во Дирекцијата за информатички технологии.
Кандидатите треба да ги исполнуваат следниве услови:
Завршено средно или високо образование;
Претходно работно искуство од 1 година;
Познавање на работа со компјутери и компјутерски компоненти;
Познавање од инсталации на оперативни системи и сервисирање на компјутери;
Познавање од мрежи;
Возачка дозвола Б категорија.
Работното време за горенаведеното работно место, е од 08:00 часот до 16:00 часот.
Работното место предвидува и работа на терен;
Неделното работно време изнесува 40 часа, од понеделник до петок.
Основната плата за горенаведеното работно место изнесува 38.500 денари.
Работата за време на неработни денови или на денови на празници и прекувремената работа е платена согласно Законот за работните односи и подзаконските акти.
Заинтересираните кандидати треба да достават:
• Писмо за мотивација;
• Кратка биографија;
• Копија од диплома за завршено образование;
• Копија од други стекнати дипломи и уверенија;
• Препорака од претходен работодавач;
• Уверение од кривична евиденција.
Потребните документи да се достават на адреса:
„Макпетрол“ А.Д. – Скопје
Сектор за човечки ресурси
ул. „Св. Кирил и Методиј“ бр.4 – Скопје
лице за контакт: Симе Манчески
телефон за контакт: 02/3146-532
По истекот на рокот за поднесување на потребните документи, со кандидатите кои ги исполнуваат бараните услови, ќе биде спроведено интервју за вработување.
Изборот на пријавените кандидати ќе се изврши во рок од 45, 90 или 120 дена по истекот на рокот на пријавувањето, во зависност од бројот на пријавените кандидати, а согласно членот 23 став 2 од Законот за работните односи.
Кандидатите кои нема да достават целосна документација, апликациите што ќе бидат доставени преку e-mail, како и апликациите што ќе бидат примени по истекот на крајниот рок, нема да бидат земени предвид.
Врз основа на членот 22 став 1 точка 1 и став 2, членот 23 став 1, 2, и 7 од Законот за работните односи, „Макпетрол“ А.Д. – Скопје распишува
О Г Л А С
За вработување на 1 (еден) работник на определено време од 5 (пет) месеци на работно место манипулант – општ работник во Скопје – работна единица (Склад Илинден) во Дирекцијата за големопродажба.
Кандидатите треба да ги исполнуваат следниве услови:
Завршено средно образование;
Со или без работно искуство.
Работното време за горенаведеното работно место, се одвива во смени.
Неделното работно време изнесува 40 часа, од понеделник до сабота.
Висината на основната нето плата за горенаведеното работно место изнесува 23.000 денари.
Прекувремената работа, работата во смени, работата за време на неработни денови или на денови на празници е платена согласно законските и подзаконските акти.
Заинтересираните кандидати треба да достават:
• Писмо за мотивација;
• Кратка биографија;
• Копија од диплома за завршено образование;
• Уверение од кривична евиденција;
• Копија од други стекнати дипломи и уверенија (доколку поседува);
• Препорака од претходен работодавач (доколку поседува).
Потребните документи да се достават на адреса:
„Макпетрол“ А.Д. – Скопје
Сектор за човечки ресурси
ул. „Св. Кирил и Методиј“ бр.4 – Скопје
лице за контакт: Симе Манчески
телефон за контакт: 02/3146-532
По истекот на рокот за поднесување на потребните документи, со кандидатите кои ги исполнуваат бараните услови, ќе биде спроведено интервју за вработување.
Изборот на пријавените кандидати ќе се изврши во рок од 45, 90 или 120 дена по истекот на рокот на пријавувањето, во зависност од бројот на пријавените кандидати, а согласно членот 23 став 2 од Законот за работните односи.
Кандидатите кои нема да достават целосна документација, апликациите што ќе бидат доставени преку e-mail, како и апликациите што ќе бидат примени по истекот на крајниот рок, нема да бидат земени предвид.
