Се бакна со заразената министерка: Шпанската кралица и кралот тестирани од коронавирус

Највисоките членови на шпанското благородништво имале многу близок контакт со лице заразено од новиот коронавирус, поради што веднаш се тестирани.

Како што пишува британски Сан, поранешната новинарка, а денеска кралица на Шпанија минатиот петок во Мадрид се ракуваше со министерката за рамноправност Ирене Монтеро и ја бакна во образ, а набрзо потоа се утврди дека министерката била заразена од коронавирусот.

Кралицата Летиција и кралот Фелипе VI се тестирани поради тоа уште вчера, а резултатите пристигнаа денеска, и за среќа се негативни.

Во Шпанија бројот на заразените драстично порасна, па за 24 часа се пријавени дури 800 нови случаи.