Развод тежок преку 500 милиони – на Амал и Џорџ Клуни им пресуди коронавирусот? Тие решија да стават крај на бракот

Според странските медиуми, еден од најпознатите холивудски парови реши да стави крај на нивниот брак

Двојката, која досега успешно ја чуваше својата приватност и семејниот живот далеку од очите на јавноста, наводно се разведува, и сето тоа заради последиците од пандемијата на коронавирус и животот во изолација. Или барем така пишуваат странските медиуми.

Џорџ не е навикнат некој да му наредува и тоа не го толерира, а Амал започна да ја гуши целата врска и воопшто не и се допаѓа тоа што мора постојано да расчистува по него – вели извор, додавајќи дека и двајцата се подготвени за развод, кој би бил тежок околу 500 милиони долари.

Наводно животот во изолација им пресудил на славниот пар, кои во бракот ги добија близнаците Ел и Александар.

Сепак, сè уште нема официјална потврда од познатите сопружници за овие гласини. Но со оглед на тоа што за нивниот развод веќе се пишуваше во неколку наврати, и оваа информација, додека не стане официјална, треба да се земе со резерва, пренесуваат медиумите.

Па така пред само неколку месеци медиумите пишуваа дека Џорџ Клуни кој важи за еден од најдобрите холивудски актери, не може да се пофали многу кога е неговиот брачен живот во прашање, односно неговата улога како родител во бракот со прекрасната Амал Клуни.

Имено неговите коментари што ги соопшти како гостин во едно популарно телевизиско шоу, а кои се однесуваа во врска со раѓањето на кралското бебе, поприлично ја вознемирија јавноста. И додека некои фанови се смееја на неговите фори за лошото родителство и дека не би сакал да биде кум бидејќи одвај издржува и како новопечен татко, неговата сопруга во последно време не ја гледаме во весели изданија, и таквото нешто го смета за детинесто и непримерно.

„Џорџ постојано зборува дека е лош татко, а тоа само дополнително ја влошува ситуацијата во нивниот брак кој е на лабави нозе“, признава извор за странските медиуми кој е близок со познатиот холивудски пар,

Нивниот брак наводно станал толку неиздржлив што Амал неколку пати му поставила услов да се промени или ќе си замине со децата. Според истиот извор Џорџ ја молел, па дури буквално и на колена и ветувал дека ќе се промени, само да не го напушти и да остане со него.

И порано ималe проблеми?

Ваквите проблеми во нивниот брак не се никаква новост. Според тврдења на други извори кои се блиски до парот, тие двајцата се потполно различни карактери, па тоа е и причината за нивните расправии. Убавата адвокатка, наводно, на почетокот го поднесувала тоа што Џорџ е таков каков што е, но се надевала дека кога ќе стапат во брак ќе се промени.

Од друга страна и на Џорџ воопшто не му е сеедно. Нему му е јасно дека ова му е последна шанса за брак бидејќи веќе е во сериозни години. Според зборовите на изворот, Џорџ и ветил на Амал дека ќе се промени и дека е подготвен да направи сé што е во негова моќ за конечно да „порасне“.

„Тој се согласи дури и да оди на терапија. Ќе направи сé само неговата убава сопруга да биде среќна со него. За него развод не е опција“, вели изворот.

„Имам прекрасна жена и две прекрасни деца“, изјави актерот во едно негово неодамнешно интервју за американските медиуми, наведувајќи дека некогаш живеел безгрижен живот без многу размислување, но дека сега, откако му се родиле децата, неговите приоритети потполно се промениле.

Како што вели самиот актер, тешко можете да функционирате кога секој ваш потег го следи будното око на јавноста. Тој е познат и успешен актер, а Амал една од најпознатите адвокатки за човековите права на светот. И двајцата имаат успешна кариера, а единствена цел им е да ги заштитат и правилно воспитаат своите близнаци.

„Џорџ можеби повремено се шегува, но тој навистина се грижи за семејството и сака да ги заштити од јавноста, папарацата и медиумите. Нема да дозволи ништо да го промени нивниот мир, па дури ни неговото понекогаш ‘детско’ и глупаво однесување“, вели изворот.