По шест недели дома, децата конечно ќе можат да излезат на прошетка – Македонија има далеку порелаксирани мерки од оваа ЕУ земја
Лекарите, психолозите и нутриционистите предупредуваат за последиците од изолацијата.
Во понеделник, децата во Шпанија конечно ќе можат да излезат надвор за прв пат по шест недели. Дотогаш, за повеќе од осум милиони малолетни лица во земјата важат најстрогите ограничувања за движење во Европа. Досега, од оваа мерка беа исклучени само децата со посебни потреби и децата што родителите немаат на кој да ги остават кога треба да одат нешто да набават.
Сепак, ублажувањето не значи дека децата ќе имаат посебни слободи. Оние помлади од 14 години од следната недела ќе можат да излезат само во придружба на возрасно лице за да одат во супермаркет, аптека или да седат на клупа, а истите мерки важат и за постарите шпански државјани.
Парковите и игралиштата се затворени на национално ниво. Ниту се зборува за враќање во градинките, можност што, на пример, соседна Португалија веќе ја разгледува за мај. Училиштата веројатно ќе бидат затворени до септември. Најновите анкети покажуваат дека скоро 60% од анкетираните се да продолжат применувањето на строгата забрана за движење затоа што податоците не се многу охрабрувачки: во вторникот, за 24 часа се регистрирани 430 трагични случаи. Како резултат на тоа, владата ќе ги продолжи повеќето забрани до 10 мај.
Фактот дека децата од почетокот се заглавени во домовите на социјалните мрежи предизвикува се поголемо незадоволство: „Не чекајте повеќе: ослободете ги нашите деца“, напиша пред неколку дена градоначалничката на Барселона и мајка на две деца, Ада Колау на својот Фејсбук профил.
„Ако возрасните можат да излезат на прошетка со своето куче, зошто нашите деца треба да чекаат? Знаеме дека можат да ја пренесат инфекцијата иако немаат никакви симптоми – исто како и многу возрасни“ – напиша таа.
Многу политичари имаат слични барања, при што некои бараат план да се утврди кога која возрасната група може да оди во прошетка.
Лекарите, психолозите и нутриционистите исто така ја предупредуваат власта за последиците од изолацијата. Тие велат дека децата се подебели за 5 проценти затоа што не се движат доволно – не смеат да излегуваат ниту во градината и на терасата на покривот, доколку тие им се достапни на сите станари. На децата им недостигаат нивните пријатели и роднини, а педијатрите предупредуваат дека долгорочниот карантин може да предизвика негативни ефекти врз развојот на мозокот и менталното здравје.
