Од утре повисоки пензии – Еве колкаво покачување добиваат пензионерите!
Од утре, 2 октомври тргнува исплатата на септемвриските пензии за над 330.000 пензионери, иако дел од банките уште вчера започнаа со исплата на пензиите, како што е случајот со Халкбанка.
Согласно методологијата, септември е месец во кој има зголемување на пензиите, а овој септември тие ќе пораснат за 5,3 проценти.
Во апсолутни бројки, тоа значи дека пензионерите со највисоки пензии, ќе добијат зголемување од речиси 3.700 денари, додека пензионерите со просечна пензија (која изнесува околу 20.000 денари) на своите сметки ќе добијат покачување од 1.060 денари.
Фото Илустрација
Со септемвриското зголемување, минималната пензија се зголемува на над 13.000 денари.
Од Министерството за труд и социјална политика информираат дека со двете усогласувања оваа година пензиите вкупно пораснале за 13,7 проценти.
Инаку, со месеци здруженија на пензионери протестираат и бараат линеарно зголемување на пензиите и утврдување на минимална пензија од 18.000 денари, а како одговор на нивните барања, МТСП формираше работна група која треба да донесе решение за износот на минималната пензија, како и дополнителни мерки за пензионерите со најниски пензии.
Фото Илустрација
Исплатата на зголемените пензии започнува утре. Пензионерите ќе добијат процентуално покачување од 5,3%.
Најмногу ќе добијат корисниците на највисока пензија, околу 3.700 денари плус. Пензионерите, пак, со најниски пензии ќе добијат само 700 денари.
Од Министерството за труд и социјала велат:
„Согласно методологијата и податоците од Државниот завод за статистика, пензијата за месец септември ќе биде зголемена за 5.3%.
Фото Илустрација
Ова е второ усогласување за оваа година, во месец март беше зголемена за 8.4% и заедно со 5.3% во септември, изнесува вкупно 13.7%“.
Во земјава живеат околу 330 илјади пензионери. Најголемиот дел од нив, над 97 илјади месецот го туркаат со пензии до 13 илјади денари.
Пензионерите се разочарани. Велат дека се излажани и прашуваат што работи работната група кога не им е прифатено ниту едно барање: ниту линеарно покачување од 3.500 денари за сите, ниту минимална пензија од 18 илјади денари. Најавија масовни протести.
Фото Илустрација
„Тоа е катастрофа. Ветено ни беше, и самата министерка зборуваше дека ќе оди со 6, па 6 кома нешто, ќе биде повеќе од 6, па излезе 5,3.
Тоа е 1,5% разлика, тоа е голема разлика. 5,3 подобро нека си ги повлечат и да речат дека нема зголемување“ – изјави Верче Јанческа, иницијативен одбор на пензионери Прилеп за Сител.
Според Јанческа, ваквото зголемување на пензиите уште повеќе ќе го зголеми јазот меѓу пензионерите и нема да го пополни домашниот буџет.
Фото Илустрација
„Животните трошоци се многу поголеми. Тие ги кренаа на 40% и сега не залажуваат со 10% намалување. Со 1 или 2 денари на лебот што се намалува?
Тоа ли е намалување? Тоа ли е социјална мерка? Што е тоа?“ – Верче Јанческа, иницијативен одбор на пензионери Прилеп
Во земјава живеат околу 330 илјади пензионери. Најголемиот дел од нив, над 97 илјади месецот го туркаат со пензии до 13 илјади денари.
