Почина легендарниот бугарски музичар Кирил Маричков, јавува БГНЕС.
Трагедијата се случила во село Селановци, каде Кирил Маричков имал концерт со „Фондацијата“ во село Враца. За време на излегувањето на сцената паднал.
На местото на настанот била повикана брза помош. Музичарот имал тешка повреда на мозокот. Тој починал во возилото на Брза помош. Поради инцидентот концертот е откажан.
Кирил Маричков е роден на 30 октомври 1944 година. Тој е пејач, музичар и композитор, најпознат по неговата работа во рок бендот Штурците.
Маричков е потомок на истакнатиот бугарски револуционер и политичар Георги Странски, внук на истакнатиот архитект Киро Маричков, а по линија на неговата мајка – на диригентот Борис Левиев. Неговиот татко Кирил Кирилов Маричков студирал право и дипломатија прво на Сорбона во Париз, а потоа во Лозана. Бил прв амбасадор на Бугарија во Ватикан по 1989 година. Неговата мајка Ирина Левиева е уметник.
Првите чекори на Кирил Маричков во музичкиот свет биле со бендот Бандарачите, во кој свирел на бас гитара.
Во 1967 година, откако „Бандарачите“ се распаднле, Маричков и тапанарот Петар Цанков го основале „Штурците“ Кирил Маричков го постигна својот најголем успех како музичар и изведувач со групата „Штурците“, која стана легенда на бугарскиот рок.
„Штурцити“ се смета за една од највлијателните бугарски рок групи во 20 век.
