Огнен Здравковски емотивно за вујко му Зоран Џорлев: Тој беше најпрекрасниот човек на светот, ми беше како втор татко!
Веста за cмpтта на вируозот на виолина, Зоран Џорлев, ја потресе цела македонска јавност.
Џорлев беше еден од најпознатите виолинисти на македонската јавна сцена, почитуван од сите свои колеги.
Џорлев е роден во Струмица на 10 јануари 1967 година, каде го поминал детството.
Во 1989 дипломирал виолина на Факултетот за музичка уметност. Познат е по обработките и изведувањето на македонските народни и забавни композиции, обработки на филмски, џез, етно теми. Работел како професор по виолина, и бил директор на ДМБУЦ Илија Николовски Луј во Скопје.
Во јануари 2011 бил назначен за директор на ансамблот за народни игри и песни „Танец“, каде останал до август 2017 година.
Џорлев пoчина на 1. јануари 2021 како последица од коронавирусот. Се лекувал на Клиниката за инфeктивни и фeбpилни болести во Скопје и неговата состојба била стабилна, но oткако се откачил тромб тој ја изгубил битката со виpyсот. Зад себе ги остави сопругата Офелија и синовите Наско и Мартин.
Неговиот внук, Огнен Здравковски, кој сите го знаеме од учеството на музичкото шоу „Ѕвездите на Гранд“ во емисијата „Бкестејџ“ откри дека веста за cмpтта на виолинистот прва ја дознала неговата вујна, а потоа целото семејство.
„Ние живееме сите заедно, неговото семејство и моето семејство во иста куќа. Се лекуваше на инфективна клиника во Скопје и лекувањето беше стабилно.
Немаше некои компликации. И последниот ден, последниот час се случи тоа што не требаше да се случи, се откачи тромб и не успеа да се избори со оваа проклета болест. Ете ќе кажам тоа било Божја волја, така требало да биде.
Како велат – добрите луѓе му требаат на Бога, а ете тој прерарно му требал. Сега ќе им свири на ангелите, ќе не чува од горе, вели кажа Огнен и додаде:
„За вујко ми ќе кажам дека тој беше најпрекрасниот човек што го познавав во мојот живот. Тој ми беше како втор татко. Секогаш ме советуваше за музиката, за моето пеење. Среќен и горд сум што ми бил вујко.“
„Тој беше човек со огромно срце, огромна душа, знаеше да прави само добри работи“ вели Здравкоски.
Тој откри дека ќе продолжи да чекори по неговите стапки.
„Ќе одам по патот по кој што одеше тој и ќе гледам успешно да исчекорам по тој пат и да ја продолжам традицијата која тој ја правеше за нашето семејство. Многу песни, многу проекти останаа недовршени, но ќе ги довршиме некогаш и некаде“, изјави Огнен со солзи во очите.
На 12. јануари во Македонската опера и балет се одржал традиционален василичарки концерт на кој настапувал токму и Огнен. Настапот го посвети на својот вујко и со многу емоции ја отпеа „Дупла вотка“ од Дарио.
„ Ми беше чест и задоволство што пеев на овогодишниот Василичарски концерт. Тие што беа таму слушнаа и видоа, никогаш во мојот живот не сум изнел толку емоција на сцена. Сè си има зошто. Настапот го посветив на мојот еден и единствен вујко“, напиша Огнен во опис на видеото од настапот, кое го објави на својот Фејсбук профил.
Да потсетиме, и Огнен и неговата мајка Софче (сестра на Зоран Џорлев) беа заразени од коронавирус, но успеаја да ја победат болеста.
„До сите што не верувате дека короната постои.
Сите што ја познавате мајка ми Софче Џорлева , знаете каква жена е.. Секогаш позитивна, насмеана и секогаш со смисла за хумор, па така и успеа да ја победи битката со “COVID 19” (Корона Вирус) иако беше премногу критична и ништо не се знаеше!!! 2 недели лежеше на “Инфeктивната бoлница” во Скопје, со кислородна поддршка, со гушење и со многу намален капацитет на дишење… Конечно после 12 дена со два негативни теста си дојде дома и ја победи биткaта со овој НAЈГAДЕН ВИРYС!!! БОГ е голем, фала му и слава му!!! Голема благодарност до целиот тим на Инфективно, што 24/7 се грижеше за неа и и помогнаа да ја победи оваа битка!!!“, напиша Здравковски тогаш на Фејсбук.
Фото: Инстаграм/ Огнен Здравковски
Фото: Инстаграм/ Огнен Здравковски
Фото: Инстаграм/ Огнен Здравковски
Фото: Инстаграм/ Огнен Здравковски
Фото: Инстаграм/ Огнен Здравковски
Фото: Инстаграм/ Огнен Здравковски
Фото: Инстаграм/ Огнен Здравковски
Фото: Инстаграм/ Огнен Здравковски
Фото: Инстаграм/ Огнен Здравковски
