Во студените зимски месеци ние обично носиме модели во земјени или потемни нијанси, но оваа смела боја дефинитивно може да ни биде лек од зимската депресија!
Во зима најчесто носите темни и црни парчиња? Не грижете се, и ние, исто така. Иако навистина не сме нешто посебно горди на тоа, бидејќи всушност стануваме многу досадни и монотони кога е нашиот моден израз во прашање. Бојата која ќе го подигне изгледот, но и нашето расположение дефинитивно е – жолтата! Во морето на униформирани, монохроматски и темни парчиња, замислете како носите светло жолто палто или чанта со синџир која е во оваа генијална и впечатлива нијанса. За среќа, во понудата на познатите „хај-стрит“ брендови постојат многу фантастични парчиња во овие шик нијанси, и покрај тоа што сме далеку од пролетната сезона.
И како што вели институтот Пантон, позната онлајн платформа која ги диктира популарните бои на сезоната, жолта боја ја означува среќата, надежта, топлината, љубовта и општото добро чувство. Поради тоа делува како да го подига расположението и во моментов е во тренд.
Bershka, H&M , H&M
И верувајте ни дека ќе бидете потполно изненадени кога ќе видите какви преубави жолти фустани има во понудата на познатите „хај-стрит“ брендови кои целосно можеме да ги замислиме кога ги комбинираме со чизми над колена и капут лежерно префрлен преку рамото.
Zara, Bershka
Или модни додатоци кои во оваа боја исто така се хит, а тука се и пуловерите, здолништата, обувките …
