НОВ РАСТ НА ПЕНЗИИТЕ – Еве колку денари плус ќе легнат на сметките на пензионерите од 1 октомври!
Очекуваме наскоро да има конкретни предлози од работната група и тие ќе бидат проследени до владата, изјави министерката за труд и социјална политика Јована Тренчевска за време на посетата во Битола, а во врска со барањето на пензионерите за повисоки пензии.
Работната група формирана од Владата редовно заседава, рече Тренчевска, се разговара за сите предлози од Сојузот на пензионери, граѓани пензионери членови на иницијативниот одбор што протестира и Партијатa на пензионерите кои доставија барања до Министерството за труд и социјална политика.
Фото Илустрација
– Сите барања се разгледуваат едно по едно, а кога има потреба повикуваме претставници од Министерство за здравство и од Фондот за здравство затоа што дел од барањата се поврзани со олеснување во делот на здравствената заштита на пензионерите.
Очекуваме наскоро да има конкретни предлози од работната група и тие ќе бидат проследени до владата. Во овој момент има голем број на барања кои не се само од аспект на зголемување на пензиите, туку и во делот на здравството и други услуги кои ги сакаат пензионерите.
Пензионерите за се навреме ќе бидат информирани – изјави Тренчевска.
Фото Илустрација
Пензионерите на 1 октомври ќе добијат усогласена септемвриска пензија, зголемена за 6,8%, пради растот на трошоците за живот и на просечната плата.
Фото Илустрација
Тоа значи дека оние со најниски пензии, кои во моментов изнесуваат 11.897 денари, ќе добијат дополнителни 810 денари, додека, пак, 75 приматели на највисока пензија (69.803 денари) ќе се израдуваат на плус 4.750 денари.
Од вкупно 336.806 пензионери, кои се евидентирани во ПИОМ заклучно со август, 97.033 примаат пензии до 13.300 денари, 66.454 пензионери имаат пензиски примања до 16.000 денари, а 86.719 – до 22.000 денари.
Износи над 22.000 денари добиваат 92.600 пензионери и во оваа група се највисоките пензии, кои се од 48.304 до 69.803 денари.
Фото Пекселс
Пензионерите, незадоволни од ваквото усогласување на пензиите, на протести бараа линеарно покачување за сите од 3.500 денари и утврдување на минималната пензија над 18.000 денари.
Тие велат дека, за нив, процентуалното зголемување не е прифатливо решение, затоа што потрошувачката кошничка, во апсолутен износ, за сите се зголемила исто.
Пензионерите од Свети Николе и денеска, втор месец, се на улица на протест од каде порачаа дека не се откажуваат од барањата за покачување на пензијата за 3.500 денари како и усогласување на минималната пензија со минималната плата.
Тие најавија дека од утре ќе ги радикализираат протестите. Улиците во Свети Николе ќе бидат блокирани со земјоделска механизација, а додаваат дека ќе користат и други средства се до исполнување на нивните барања, објави ТВ Нет.
Фото Илустрација
-Продолжуваме со протестот без разлика на тоа каква одлука ќе се донесе. Нашето главно барање е покачување на пензијата линеарно за 3.500 денари и усогласување на минималната пензија со минималната плата.
Доколку се оди кон линеарен пораст на пензиите од 3.500 денари, тоа претпоставува дека месечно ќе бидат потребни дополнителни 1.178.821.000 денари или 19,1 милион евра, а годишно 230 милиони евра.
