Ова ќе ви ги насолзи очите (ако сте човек, секако!)
Во светот постои жестока расправа околу вакцините. Големи фармацевтски компании кои произведуваат вакцини се на суд поради измами, а во Америка се поголем е бројот на деца заболени од автоимуни болести. И додека „официјалната“ наука нема одговор кои се причините за оваа појава, голем број научни истражувања зборуваат дека токму вакцините се причината за аутизам. Но ова нема да го прочитате во водечките медиуми, иако и во голем број фармакотерапевски прирачници ќе најдете дека на пример МРП вакцината може да биде „тригер“ за оваа болест.
Но за оваа тема во некоја друга пригода. Денес сакаме да позборуваме за големата лага што ни ја сервираат кај нас оние што сакаат да ги вакцинираат нашите деца. И тоа без наше одобрение, по пат на присила. Истите тие во водечките медиуми лажат дека вакцинацијата е задолжителна насекаде. А всушност реалноста е сосема поинаква – во најразвиените земји, постои слобода на избор, а задолжителната вакцинација се поистоветува со фашизам. Таа ги крши Нимбершкиот кодекс, односно правата на пациентите, но што мислите колку им е гајле на овие нашиве од власта, и оние што профитираат од вакцините за нашите права? Во Нимбершкиот кодекс и Хелсиншката декларација јасно се ОТФРЛА моралниот аргумент дека наводниот колективен имунитет го оправдува жртвувањето на поединците. Точка.
Исто така во нашите медиуми нема да прочитате и дека во 100 % имунизирана средина со документирана популација, се случува повторно да избие епидемија од морбили. Како и тоа дека имунитетот стекнат со вакцинација не е доживотен, поради што и најголемите поддржувачи на вакцинацијата се сомневаат дека воопшто може да дојде до исчезнување на болеста кога 8.9 отсто од вакцинираните деца, и тоа со по две дози, немаат доволно заштитни тела. На оваа тема зборува Грегори Поланд, професор на клиниката Мејо, кој е главен и одговорен уредник на едно од најугледните списанија од областа на вакцинација „Вакцина“. Тој е категоричен противник на пристапот „секоја вакцина за секое дете“, а за ова зборуваат и многу други доктори.
Еве еден таков пример
Но кај нас ситуацијата е повеќе од тажна. Сите вакцини се задолжителни што е случај само во земјите од посткомунистичкиот блок. Во развиените земји постои слобода на избор, а во некои пак само неколку вакцини се задолжителни. Кај нас оние што не сакаат да ги вакцинираат децата се соочуваат присилна вакцинација што преставува знак на тоталитарна држава (состојба на исклучок за поголемо добро потекнува од нацистите!) и не можат да ги запишат своите деца на училиште. Во исто време во државата не постои ниту една болница за аутистични возрасни луѓе и не постои кадар со психијатри што ќе се занимаваат со ваквата проблематика. Со болните се занимаваат детските психијатри. Исто така не постои ниту регистар на заболени лица од автоимуни болести, но затоа постои регистар на невакцинирани деца. И никој не е загрижен за нивните права (ниту една невладина организација не се грижи за ваквата дискриминација!) иако секој што малку се разбира во проблематиката знае дека и вакцинираните, па и ревакцинираните можат да бидат преносители на болеста од која се вакцинирани. И што е најстрашно – кај нив клиничката слика може и да НЕ биде препознатлива, за разлика од невакцинираните кои кога ќе се разболат, имаат јасни симптоми и веднаш одат во изолација.
Но кому тука му е гајле за ова? Да имаа совест ќе објавеа дека последната студија што ја објавија сите позначајни медиуми кај нас, а која божем докажува дека МРП вакцината нема поврзаност со аутизмот, е потполно промашена. Цртан филм за мали деца. Лажна вест. Но тука не станува збор за грижа за нашето здравје или за здравјето на нашите деца, туку за интерес. Пари. Мнооогу пари. Алчност. Моќ.
Слушнете што има да каже на оваа тема еден наш сограѓанин кому животот му станал пекол токму заради вакцините. Слушнете, ќе ве полазат морници и ќе ви се насолзат очите, но само ако сте човек, секако!
