Музиката на Оливер беше море кое будеше емоции кај секого – поради ова го сакаше целиот регион!
Замина пејачот Оливер Драгојевиќ, а преубавите песни ќе останат засекогаш да не потсетуваат на неговата генијалнoст
Оливер беше еден од најталентираните пејачи во поранешна Југославија. Музиката ја засака од најрано детство, впрочем кај таквите генијални ликови талентот и се јавува толку рано. Публиката го сакаше токму поради неговиот талент да предизвика емоции кај секого, поради неговата посебна искра која што ја имаше и по која беше препознатлив.
А кога се откри и дека во прашање е скромен човек, со сите свои врлини и мани, тогаш започнува и таа нераскинлива врска меѓу публиката и него, тоа посебно обожавање поради кое Оливер несомнено беше една од најголемите ѕвезди на овие простори. Емоциите во неговите песни беа заеднички за многумина, тој целосно се даваше во нив, а публиката се препознаваше во стиховите, уживаше во неговата музика и богато го наградуваше на секој негов настап.
А кога некој како што е Оливер ќе замине, тогаш и многумина ќе жалат затоа што изгубиле некој што го чувствувале како свој животен сопатник, некој со кој пловеле низ морињата на емоциите и љубовта, кој толку пати ги изнел на површината и со кого ги споделувале своите тајни…
Оливер и морето …
Почивај во мир, легендо!