Поранешниот модел блескаше во прекрасниот волнен капут со класичен крој и големи ревери.
Првата дама на Америка, Меланија Трамп, повторно го потврди своето префинето чувство за моден стил.
Сопругата на претседателот на САД, привлекува внимание каде и да се појави, а нејзиниот моден стил е елегантен, женски и гламурозен. Токму затоа и многумина ја сметаат за единствениот вистински наследник на легендарната прва дама Џеки Кенеди, која благодарение на своите модни комбинации се здоби со титулата модна икона.
За време на посетата на децата во Институтот за здравје лоциран во Бетесда, убава Словенка изгледаше како да се симнала од модната писта облечена од глава до пети во модерни нијанси на розово.
Таа и овој пат потврди дека и е убаво кога се дружи со децата кои исто така ја обожаваат. Без да ја тргне насмевката од лицето, таа на една девојка и кажа. „Навистина ми се допаѓа твојата комбинација”, и ги насмеа сите.
Поранешната манекенка блескаше во преубавиот волнен капут со големи ревери под кој носеше краток фустан и салонки со високи потпетици во слична нијанса.
Па, дали ви се допаѓа ова „Барби“ издание на Меланија?
