Меланија во најженственото издание досега – само за капутот потроши повеќе од една просечна годишна плата во Македонија
Иако на почетокот повеќето дизајнери ја бојкотираа првата дама на Америка, поради нејзиниот сопруг, денес, две години подоцна – дизајнери и луксузни брендови се натпреваруваат кој ќе и понуди поексклузивно парче.
Имено Меланија за овие две години стана синоним за беспрекорен стил и олицетворение на една жена која едноставно не знае да погреши во модата, и нејзините комбинации секогаш се совршено дизајнирани, се до најмалите детали како накит или очила за сонце. И она што таа ќе го облече со брзина на светлината станува едно од најбараните во светот, а оваа дама ја врати во мода и неприкосновената елеганција и женственоста.
Неодамна повторно го плени светот со фантастично издание со кое се појави на самитот на Г-20, под рака со нејзиниот сопруг Доналд Трамп. Мелани е љубител на класиката и многу добро знае какви кроеви стојат најдобро на нејзината фигура, но знае и многу добро да ги зачини комбинациите со впечатливи бои и дезени, или со необични споеви.
Така беше и овој пат – убавата Словенка додека влегуваше во претседателскиот авион во Вашингтон носеше облека на која малку луѓе можат да останат рамнодушни. Таа едноставно блескаше во тесно молив здолниште во впечатлива пурпурна нијанса чија цена е 2.500 американски долари, а го комбинираше со едноставна блуза и многу ефектен капут од Ралф Лорен кој вреди дури 5990 американски долари!
Таа заврши сè со класични салонки во слична нијанса со капутот и тренди очила за сонце, и иако сето тоа е со пресолени цени – дефинитивно вреди!
