Костадинка имаше тумор пред да почине, а овие големи трагедии ја следеа до крајот на животот (фото)

Тажната вест ја потврди нејзиниот син

Почина Костадинка Велковска, познатата хрватска театарска и ТВ актерка и пејачка со потекло од Македонија.

Како што откри за „24сата.хр“ нејзиниот син Никола, неговата мајка починала во неделата во старечки дом.

Костадинка почина на 76 годишна возраст, а засекогаш ќе остане по бројните серии и филмови во кои што глумеше.

Како што изјави нејзиниот син Никола за споменатиот портал, таа била болна и се борела осум месеци, а ќе биде закопана во четврток, на 14 март, во Крематориумот Мирогој во 14 часот.

Принтскрин/ Јутјуб

Потсетуваме, актерката во текот на летото имаше мозочен удар што беше сместена во старечки дом во Загреб.

Пред да го доживее мозочниот удар на актерката и бепе отстранет бениген тумор во мозокот, но се појави уште еден, па потоа и трет.

Како што самата откри на почетокот на април минатата година, повеќе време минува во ординација, отколку на сцена.

Костадинка е родена во Скопје, 1949 година, а позната е и како пејачка на шансони и тоа на најразлични јазици.

Принтскрин/ Јутјуб

Во својата богата кариера се има појавено во голем број телевизиски филмови и серии, а важеше и за една од најпознатите театарски актерки од времето на поранешна Југославија која месечно знаеше да одигра и до 37 претстави, а годишниот просек и беше околу 270 изведби.

Костадинка на 18 години заминува од Скопје за Загреб за да се запише на Академијата за драмски уметности.

Таа истовремено одела и на часови по виолина и пеење, а на академијата успеала да се запише од прва.

Во театарските води запловува уште како студентка на прва година, и тоа во сите театри во Загреб кои барале млади актери, а еден од колегите со кого што глумела во тоа време беше и Раде Шербеџија.

Принтскрин/ Јутјуб

Најголемата трагедија во животот

Во приватниот живот имала големи трагедии, а една од најголемите е кога ќе ја изгуби нејзината сестра, која исто така живеела во Загреб, а која ќе почине на 21 годишна возраст во несреќен случај. Таткото на Костадинка, Благоја, првоборец во НОБ, кој работел во полиција, секогаш зборувал дека најтешката работа во животот е загуба на дете, па не можел да ја поднесе болката и извршил самоубиство.

Горда на своето македонско потекло

Костадинка своите емоции најчесто ги изразува со песна, а неретко на сцената знаеше и да заплаче.

И како што велеше за хрватските медиуми, за тоа најзаслужни се нејзините македонски корени.

„Не велат за џабе за Македонците дека прво почнуваат да играат, па да чекорат. И најпрво ќе почнат со пеење, а потоа ќе прозборат. И кога се тажни, тие знаат да запеат, со солзи. Често ми се случува во текот на изведба да плачам и пеам, но знам како да го контролирам гласот“.

„Кога ќе научам некоја тажна песна, знам да плачам без престан. Има една анегдота кога мојот син Никола имаше пет години, а јас ја учев пената „Што те нема“, која беше страшно тажна. Пеам и плачам, а детето само ме гледа. Чистам со правосмукалка, пеглам и плачам. Кога беше концертот со мојот покоен маж Дамир Покрајац кој ме пратеше на гитара, Никола со мајка ми седеше во публиката. Јас ја најавувам песната и велам дека прв пат ќе ја пеам, а Никола се врти кон публиката и вели: ‘Леле, сега ќе видите, само ќе плаче’“, изјави познатата артистка во една пригода за хрватскиот „Јутарњи“.