Еве на што треба да обрнете внимание, за да одредите дали „падна” на вашиот шарм.
Со децении, експертите за говорот на телото откриваат суптилни движења кои откриваат дали еден маж е заинтересиран за жена. Но, едно нов истражување покажа дека буквално за помалку од две минути може да откриете дали му се допаѓате или не. Обрни внимание на – неговиот глас!
Антрополозите на Универзитетот во Сасекс присуствуваа на таканаречените брзи состаноци (спид дејтинг) и ги снимаа потенцијалните двојки додека разговараат за да видат дали постои некоја шема во тоа.
Водечката авторка на студијата, д-р Катарина Писански, вели дека мажите ја спуштаат бојата на нивниот глас кога жената им се допаѓа и кога сакаат повторно да ја видат – а што повеќе ја сметаат за неодолива, нивниот глас е подлабок.
И додека мажите сакаат да звучат машки, да имаат подлабок глас кога некоја девојката ќе им се допадне, жените во таквите ситуации го прават спротивното.
„Жените зборуваат со повисок тон и се обидуваат да го направат нивниот глас помалку монотон кога некој маж им се допаѓа“ открива д-р Писански. Меѓутоа, ако „почувствуваат” дека некој е заинтересиран за нив, несвесно ја намалуваат бојата на нивниот глас.
“Неколку студии покажаа дека мажите жените со попискав глас ги сметаат за поатрактивни и посекси“.
Жените со вакви гласови генерално се сметаат за поатрактивни, помлади и поженствени. Напротив, жените кои имаат малку подебел глас се сметаат за доминантни и позрели.
Истражувачите велат дека жените зборуваат со повисок глас кога околу нив нема многу “конкуренција”, во спротивно тие го намалуваат гласот.
