Шведската принцеза во шик издание се прошета низ резерватот „Nynas Nature“ во шведската покраина Седерманланд.
Убавата Софија заедно со сопругот, принцот Чарл Филип и двегодишниот син Александер уживаа во возењето на кочија разгледувајќи ги природните убавини на резерватот. Таа за овој повод блескаше во лежерно елегантно издание со кое потсетува на Меланија Трамп, а во нејзин стил не можеше да им одолее на тесните бели панталони кои ги носеше со маица во морнарска сина нијанса со додаток на бел материјал во форма на кошула, а целото издание го заокружи со патики со потписот на италијанскиот бренд „Suprega“ какви често носи модната миленичка на Британците, Кејт Мидлтон.
Откако војвотката од Кембриџ ги носеше, најчесто во дневни изданија, претставниците на модната куќа за медиумите изјавија дека нивната продажба двојно се зголемила. „Продажбата скокна двојно и повеќе откако Кејт ги носеше неколку пати минатата година“ изјави за „Daily Mail“ портпаролката на брендот и додадоа дека „Superga 2750“ е нивниот најпопуларен модел на патики.
