Една искрена прегратка од пријател или партнер може да има позитивно влијание на нашето тело
Една искрена прегратка од драг пријател или партнер може да има силно влијание на нашето тело.
Во едно истражување кое беше спроведено на Универзитетот во Северна Каролина, истражувачите откриле дека прегратката го зголемува нивото на окситоцинот и го намалува ризикот од срцев удар, го намалува крвниот притисок и нивото на стрес што го чувствуваме.
Предностите на прегратката
Луѓето се социјални битија, а за тоа сведочат и многу истражувања кои покажуваат дека луѓето кои оддржуваат блиски пријателски и љубовни врски се психички и физички поздрави од оние кои живеат осамено.
Истражувањата покажуваат дека искрената прегратка, кога две срца се притиснати едно до друго, ги имаат овие предности:
Прегратката гради доверба и чувство на сигурност. Тоа помага при отворената и искрената комуникација.
Долгите прегратки го подигнуваат нивото на серотонин, хормонот кој е одговорен за добро расположение на човекот и општото чувство на среќа.
Прегратката го зацврстува имунитетот
Прегратката исто така ги опушта нашите мускули и напнатоста во телото. Прегратката го зацрвтстува имунитетот, а може и да ја ублажи болката.
Од друга страна добрата прегратка го намалува нивото на кортизолот, хормонот кој го регулира стресот.
Прегратката од некој пријател може инстантно да го поправи нашето расположение и што е најважно – прегратката е потполно бесплатна!
