Доктор Ана Глигиќ вели дека епидемиолошката ситуација треба да се запознае, но дека нејзе лично и било многу чудно што бројот на заразени и мртви е толку голем.
– Најважно е да се знае начинот на пренесување, зошто во старт се говореше дека е преку капки. За мене беше чудно што има по 1.000 сличаи дневно и си реков – сите да се бакнуваме и плукаме едни на други не би било вака – вели д-р Ана Глигиќ која пред 50 години ја запре „вариола верата“.
Би требало, според нејзините зборови, да се запознае епидемиолошката ситуација, а потоа да се тргне кон испитување на вирусот.
Додава и дека вирусот се пренесува преку воздух.
– Вирусот остана ист. Тоа не е некој друг вирус, но на него му се случија некои промени. Тој со преминувањето на човекот дојде до неприродна подлога. Почна да слабее зошто се наоѓа таму каде што не му е природно. Така се прават и живите вакцини, објаснува таа.
Мора да се внимава уште, но вирусот влезе во слепа улица и епидемијата мора да се заврши, вели таа.
На прашањето зошто ни треба вакцина ако вирусот мора да престане, д-р Глигиќ наведува дека вирусот прави огромни штети.
– Додека не дојде до тоа, тој ќе направи огромни материјални и економски штети, рече таа.
Таа смета дека нема да има втор бран зошто ковид 19 ќе ослаби, а со мерките ќе биде искоренет.
– Ако се појави во зимскиот период, ќе има поголе број случаи, но не вака, вели д-р Ана Глигиќ.
Коронавирус повторно ќе се појави кога ќе заврши летото, речиси се сигурни други експерти за заразни болести, но не знаат колку сериозна ќе биде ситуацијата.
СЗО понуди мрачна хипотеза за тоа како во наредните неколку месеци би можел коронавирусот да изгледа.
Во текот на вториот пик би можело со коронавирус да бидат заразени поголем дел од луѓето во исто време, во текот на сезоната на грип, што би довело до поголем притисок врз здравствните системи, наведува Си Ен Ен.
