Голото торзо на Ѓоковиќ предизвика расправа за двојните стандарди на тениските терени
Познатиот тенисер со своето однесување на „US Open“ поттикна жестока расправа на социјалните мрежи.
Имено на мечот против Австралиецот Џон Милман кој беше накратко паузиран поради извонредно жешките температури во Њујорк, кога Милман побара „тајм аут“ како би може да се пресоблече од испотена во чиста маица, Новак Ѓоковиќ направи нешто што ја поттикна расправата. Тој седеше на клупата без маица и се ладеше, а светската јавност токму поради тоа беше револтирана, односно поради двојните стандарди на игралиштето.
So @usopen this is ok, but a girl in a tank top raises eyebrows? @DjokerNole is attractive and all, but #doublestandard #notok pic.twitter.com/DUogzCCUtR
— Jill Ciminillo (@jillciminillo) September 6, 2018
Оние што го следат „US Open“ оваа година сигурно не можеше а да не го забележат скандалот кога минатата недела француската тенисерка Ализе Корне, која кога забележа дека во соблекувалната ја облекла маицата наопаку, на теренот ја соблече и ја сврти на вистинската страна поради што веднаш беше казнета за непристојно однесување, иако под маицата имаше женска спортска маичка.
So Novak Djokovic can lean back in his chair, grinning and shirtless, during a spontaneous costume-change break, but Alize Cornet cannot flip her top around swiftly whilst wearing a sports bra without suffering a code violation. Got it. #usopen
— Jonathan Scott (@jonscott9) September 6, 2018
„Значи Ноле може слободно да се одмора на своето столче без маица, додека Ализе Корне не смее да го покаже својот спортски градник, а да не биде казнета?“, „Ова е ОК, а девојка во спортски топ не е“, беа само некои од негативните коментари на револтираните љубители на тенисот со кои преку Твитер ја критикуваа организацијата на „US Open“.
Ова не е прв пат тенискиот врв да ја изнервира јавноста со своето ригорозни забарани. Минатата недела и претседателот на „French Open“, Бернард Гуидицели издаде предупредување и за Серена Вилијамс со кое и се „забранува во иднина да игра во тесни комбинезони“ бидејќи на тој начин покажува и се однесува непристојно кон играта.
