Голема причина за славење во домот на Огњен Амиџиќ: Честитки добива од сите страни- водителот повеќе не крие колку е заљубен!

Во јавноста на големо се шпекулираше за разводот на Огњен Амиџиќ инеговата поранешна сопруга, Данијела Димитровска.

Откако се дозна дека водителот е во врска со својата колешка, Мина Наумовиќ веднаш почна да се зборува дека таа била причината за распадот на десетгодишниот брак на манекенката и Огњен.

Популарниот водител се соочи со бројни осуди поради новата љубов бидејќи дури неодамна и официјално се разведе од поранешната сопруга Данијела Димитровска со која го има синот Матија, но изгледа дека Амиџиќ не се грижи за коментарите и ужива во љубовта со Мина.

Колку се среќни знаедно може да се види и од фотографиите кои ги споделувата на социјалните мрежи.

Имено сега на Инстаграм споделија и неколку фотографии кои ги разнежнија фановите.

Тие го прославија најважниот ден за водителот на AmiG Show кој наполни 48 години. Мина навистина се потрудила да го израдува својот партнер и му направила изненадување кое ќе го памети до крајот на животот.

Со шампањ, балони, и торта со посебна порака: „Ти си мојот универзум“, го прославија овој посебен ден.

-Ти само насмевни се, а јас ќе те сакам, ќе те следам и ќе ти го чувам грбот. Среќен роденден љубов – напиша Мина.

Инаку, познато е дека Амиџиќ не сака премногу да го коментира приватниот живот и многумина беа изненадени кога неодамна откри детали од љубовната врска со колешка:

-Поинтересно и поубаво е кога работиме заедно. Добро функционираме и се надополнуваме, таа ми дава добри идеи и е многу креативна. Мислам дека следната сезона ќе покаже колку е креативна – изјави Огњен во емисијата „Премиера“.