Ваков пад германската економија немала со децении – се очекува нов црн бран, без работа ќе останат три милиони луѓе

Германската влада очекува нивната економија оваа година поради пандемијата од коронавирусот да падне за околу 6,3 отсто, најмногу од прогласувањетп на сојузната републиак во 1949 година.

Најниската точка на наглиот пад на активностите веќе е допрена, проценуваат владини експерти во пролетниот извештај кој би требало да биде објавен во среда.

Во мај растот ќе се стабилизира и повторно ќе зајакне во втората половина од година, предвидуваат експертите.

И покрај значајната државна помош, се очекува голем бран банкроти кој би можел три милиони луѓе да остави без работа. Исто така, пресметано е дека даночните приходи ќе паднат за околу 82 милијарди евра.