Браво за Рубинчо од Кривогаштани – на своите сограѓани им дели бесплатно заштитни маски
Пред секоја аптека ќе забележите гужва – граѓаните сакаат да купат заштитни маски и средства за дезинфекција, но во повеќето ова го нема.
Поразговаравме со една вработена во аптека во Скопје која ни кажа дека маски за лице нема веќе неколку дена и дека најверојатно откако ќе ја добијат следната пратка ќе даваат само одреден број на едно лице.
Што се однесува до цените и Пазарниот инспекторат потврди дека цените на овие производи се покачени (на некои места и до 60 денари), а министерот Филипче пред неколку дена рече дека покачувањето на цената на заштитните средства од вирусот е поради покачување на цените при увозот.
Позитив на денот
И додека во Скопје не може да се најде маска ни за лек, во Кривогаштани Рубинчо Благадуша, сопственик на земјоделските аптеки „Стефан“ на своите сограѓани им сподели околу 1500 маски за превентива од вирусот.
Бројот на заболени ќе се зголемува
Епидемијата на заболувањето Ковид-19 е во силен ек, а секоја епидемија има тек, односно почеток, па акцелерација, па пик и понатаму намалување. Согласно ова, ние очекуваме бројот на заболени да се зголемува, рече на прес конферецијата пред малку министерот за здравство Венко Филипче.
Рече дека сега е најважно да се спречи локалната трансмисија. Моментно има 26 заболени, а тројца се нови од денеска.
„Останете дома – не контактирајте со луѓе – не се задржувајте во маркетите и одржувајте лична хигиена. Се надевам пикот нема да е остар, рече Филипче.
Денеска беа тестирани дестмина а позитивни се тројца. Филипче рече дека имаат солидни капацитети.
