Ова е една од најгледаните емисии на Боки
Контроверзниот македонски шоумен кој неодамна се најде во притвор поради случајот „Рекет“, пред десетина години имаше своја емисија на розовата телевизија која беше поприлично гледана. Во прашање е шоуто „Арена Б13“ во која тој беше домаќин на многу познати ѕвезди. Во една емисија гостинка му беше Карлеуша, која заедно со нејзината мајка и приватно беше многу добра пријателка со Боки.
Боки кој беше облечен во црвен фустан и со женска фризура, во еден момент стави перика и почна да ја имитира Цеца. Карлеуша не можеше да се воздржи, па поради солзите на очите мораше да ја срди шминката, по што му го кажа следново на контроверзниот Боки:
„Цецо, ќе те ‘средам’ јас тебе по емисијата“.
Овој дел можете да го видите на 36 минута.
Инаку, Бојан Јовановски попознат како Боки 13 неодамна беше обвинет од страна на ОЈО заради „примање награда за противзаконито влијание“ и „перење пари“. Нему му е изречена мерка притвор во траење од 30 дена и во моментов се наоѓа во ќелиите во хашкото одделение во Шутка.
Кој е Боки
Бојан во минатото „фураше“ многу поразличен имиџ од оној што го носи сега. А токму имиџот беше една од главните работи поради стана познат во регионот. Тој тогаш имаше 130 килограми, носеше женска облека и се шминкаше, и благодарение на неговата појава беше еден од најпознатите шоумени и тоа не само во Македонија, туку и во целиот регион. А по некое време заплови и во музичките води …
Арена Б-13
Тој имаше и своја емисија на телевизија „Пинк“ која се викаше „Арена Б-13“, а во 2012 година го објави албумот „Не плаши од огледалото“ со кој заплови и во музичките води.
Беше и дел од реалните шоуа „Фарма“ и „Големиот брат“, каде отворени и директно зборуваше со останатите учесници и поради тоа се караше со нив.
Боки без вишокот килограми
Бојан непосредно пред да биде уапсен „фураше“ посебен моден стил и важеше за една од најоригиналните машки модни икони на Балканот, па и пошироко.
Тој минатата година ја отвори и сопствена телевизија 1 ТВ во која покани многу познати новинари од Македонија, но и ѕвезди. Па така кај него емисија доби и Тијана Дапчевиќ (43), а неговата телевизија беше првата адреса на која се појави Тамара Тодевска откако се врати во Македонија по генијалниот настап на Евровизија.
Боки како лек за досадниот Балкан
Боки досега многу пати ја има покажано и својата хумана страна помагајќи им на овие на кои помошта им е најпотребна, поради што до неодамна многумина го фалеа.
„Да ви кажам нешто, искрено, не се враќам медиумски за да заработам пари, туку заради луѓето кои ме сакаат, а и за малку да ги нервирам оние другите. Досадно е, ништо не се случува. Јас сум лек за досадниот Балкан!“ – изјави Боки 13 пред неколку години кога го најави враќањето во медиумите. Тој очигледно тоа и го направи, а како и неговата трансформација во справувањето со вишокот килограми и неговото „враќање“ во медиумите беше вистински шок.
И сé уште е …
