Бил Гејтс излезе со прогноза за крајот на пандемијата: Еве кога кризата ќе заврши за богатите, а кога во сиромашните делови од светот
Коосновачот на Мајкрософт и милијардер Бил Гејтс проценува дека пандемијата од коронавирус за „богатиот свет“ ќе биде завршена до крајот на 2021 година, но на останатите ќе им биде потребно многу повеќе време за опоравување.
„Иновациите во дијагностиката, терапиите и вакцините се импресивни. Поради тоа сметам дека во богатиот свет може да ја окончаме пандемијата до крајот на 2021 година, а за остатокот од светот до 2022 година“, изјави Бил Гејтс за американскиот сајт СиНет.
Свесен дека пандемијата сите земји од светот ги врати неколку години наназад кога станува збор за економски раст, борбата против ХИВ, маларија, пишува Инвеститор.ме.
Гејтс го критикуваше американскиот систем за тестирање на коронавирусот, како и начинот на кој американскиот претседател Доналд Трамп и неговата администрација се справуваат со ситуацијата. Отворено рече дека големиот број на случаи на коронавирус во САД се резултат недоволното тестирање и следењето на контактите, како и неносењето на заштитни маски.
Гејтс верува дека вакцина ќе биде развиена, но дека поради различни проблеми вклучувајќи го производството, ќе може да им помогне само на побогатите земји.
