Ова е клучот за успехот на една од најпознатите актерки на светот, но и наједноставниот начин да го задржите младешкиот изглед.
Една од омилените холивудски актерки, 50-годишната Џулија Робертс ја откри тајната за својот младолик изглед, но и зошто ги избегнува социјалните мрежи. Таа својата убавина и младешкиот изглед со текот на годините ги одржува со релативно едноставни трикови. Кога е во прашање нега на кожата, Џулија не користи скапоцени креми и третмани.
„Тајната е во водата“, вели Џулија и додава дека важна улога има и сонот, кој за повеќето мами е и најголем луксуз во животот.
Џулија ја допре и темата за социјалните мрежи и истакна дека има аверзија кон нарцистичката природа на селфи фотографиите. „Станавме култура која е толку самоиспитувачка и толку самопромовирачка што ги преминува сите граници“, објаснува Џулија за „Дејли мејл“ и додаде дека со помалку самопромовирање сите повеќе би се гордееле со нас.
