Позната руска манекенка скокна од облакодер за да се спаси од сексуален манијак
Руската манекенка Екатерина Стетсиук скокнала од шестиот кат во еден хотел во Дубаи. Убавата 22 годишна манекенка бегала од американскиот бизнисмен кој како што пренесуваат руските медиуми, сакал да ја силува и убие. Манекенката која по потекло е од Иркутск, источен Сибир, наводно не сакала да спие со споменатиот маж, поради што тој побеснал и почнал да и се заканува со нож под вратот.
Мажот пред полицијата се бранел дека Екатерина го нападнала него, па морал да се брани. Поради тоа манекенката во моментов е во притвор во болничка постела, а мажот е задржан на аеродромот во Дубаи. Ако биде осуден поради нападот би можел да добие казна и до 15 години.
„Мојата ќерка е позната манекенка во Иркутск, а неодамна замина на месец дена во Дубаи каде потпиша договор. Што се случувало таму знам само по она што таа ми кажуваше. Кај нас законите се поинакви и стравуваме како понатаму ќе се развива целата ситуација“ вели за руските медиуми мајката на Екатерина која планира да отпатува во Дубаи за да биде со својата ќерка.
Таа преживеала благодарение на чудо. Скршен и е рбетот, неколку пршлени и се здробено но за среќа, според прогнозите на докторите, коскената срж и е неповредена. Во Русија наводно се шушка дека Екатерина се занимавала со ескорт, но нејзината мајка ги демантира овие гласини и ги замолува добрите луѓе да и дадат шанса да закрепне. Таа воедно собира и средства за лечење на нејзината ќерка за кое и се потребни околу 11.000 фунти.
