Претставата „Бог на масакрот“ го наполни штипскиот театар – сите билети распродадени!
Билетите за претставата „Бог на масакрот“ во штипскиот народен театар се продаваат како алва
Претставата „Бог на масакрот“ е направена според текстот од холивудскиот филм „Карнеги“ , а по текст на писателката Јамина Реза. Дејствието всушност претставува психолошка игра на две брачни двојки кои се состануваат за да го решат проблемот со нивните деца, а режисерката Нела Витошевиќ се обидува низ актерската игра на гротескен начин да ги претстави предизвиците на современиот човек, особено кога ситуацијата ќе стане напната, а односите – агресивни и хистерични. Претставата почнува откако децата се степале во школскиот двор и едното од нив ќе заврши со повреда на двата заба, па родителите од тие причини се сретнуваат за да го решат конфликтот, но наместо решение, тие дополнително ја заплеткуваат ситуацијата.
Претставата „Бог на масакрот“ е првата премиера на Штипскиот народен театар за оваа година. Во претставата играат младите актери Драгана Костадиновска, Милорад Ангелов, Сања Арсовска и Ефтим Трајчов- Ѓаурски. Интересот за неа е голем, а за тоа зборува и фактот што билетите за репризите се распродаваат за помалку од 24 часа откако ќе биде објавен датумот на претставата.
