За време на бременоста се поправила 24 килограми.
Потоа за да се реши од вишокот, првите петнаесет и оделе лесно, но следните десет – споро и тешко!
„Поминаа 14 месеци откако се роди Џошуа Џуниор и отприлика толку ми требаше да го вратам телото во форма и кондиција. Првата фотографија е снимена месец дена откако се породив. Втората нешто помалку од една година подоцна, а третата е направена овој викенд. Би сакала да имам и фотографија од периодот помеѓу првата и втората да видите колку моето тело навистина споро се обликуваше. Малку овие месеци се мачев со криење на вишокот килограми, но сега доаѓа сезоната на бикините и снимање на мојот нов филм. Мојата желба во последните два месеци беше повторно да се чувсвувам фит, силна и секси па конечно го решив и тој последен вишок што ми остана по породувањето“ напиша меѓу останатото актерката Кетрин Хајгл покрај колажот направен од фотографии кои го покажуваат нејзиното тело од породувањето се до денес.
https://www.instagram.com/p/BfY8tMGhfqH/?utm_source=ig_embed
Таа за време на бременоста се поправила дури 24 килограми, за што пишуваше во својот блог „Мислев дека во бременоста ќе добијам од 12 до 15 килограми, колку и мојата мајка кога била бремена со мене, но брзо сфатив дека во мојот случај тоа нема да биде возможно. И покрај тоа што имав план за исхрана наменет за бремени жени, и пешачев барем пет дена во неделата, моите килограми само се редеа“ откри 38 годишната актерка која многу брзо по породувањето изгуби 14 килограми, а следните десет ги симна потешко, со вежбање, диети и план за исхрана, се до сега.
https://www.instagram.com/p/BKl6HREB8xB/?utm_source=ig_embed
Инаку, Кетрин Хајлг е во врска со пејачот Џош Келеј. Имаат две посвоени ќерки и Џошуа, нивниот биолошко 14 месечно синче.